جيـــــل الــــعـزة

ثلاثية يا أمتى

"عطشانين "
عطشانين لقلوب وفية عطشانين
عطشانين لقلوب تنور ظلمة الليل الحزين
عطشانين لقلوب تطمن قلب كل الحيرانين
عطشانين لقلوب تكسر سجن كل المظلومين
عطشانين لقلوب تطهر فكر كل المسلمين
عطشانين لقلوب تغير الحجارة باليقين
عطشانين لقلوب تحرر أرضنا من الغاصبين
عطشانين لقلوب ترجع عصر خير المرسلين

" محتاجين "
محتاجين لكل ساعد ولكل ايد
لكل همة بالآرادة والعزم الآكيد
محتاجين لآمة تنهض من جديد
أمة نسيت انها أحفاد مناضل أو شهيد
محتاجين لشعب واعى أو رشيد
شعب فاهم ينتمى لآبن الوليد
محتاجين لفكرة تظهر من بعيد
فكرة تبنى مجدها وعصره السعيد

" مشتاقين "
مشتاقين لعزنا يعود له النهار
ولمجدنا يرجع ينور كالمنار
مشتاقين لقلوب تفكر فى الصغار
قلوب تسخر جهدها لكسر الحصار
مشتاقين لكلام يوحد مش هزار
لكلمة حرة تفك حاجز الآنتظار
مشتاقين لقطز يصحح المسار
أو صلاح يجيب معاه الآنتصار

هذه قصيدة من أجمل ما كتبت
مع تحياتى ...أبو خيرى